JHANAK JHANAK PAYAL BHAJE [1955]

FILM: JHANAK JHANAK PAYAL BHAJE [19550 V. SHANTARAM
CAST: GOPI KRISHNA, BHAGWAN, MADAN PURI, NANA PALSIKAR, MUMTAZBEGUM,
SANDHYA,MANORAMA

LYRICS: HASRAT JAIPURI
MUSIC: VASANT DESAI


1. SINGER: LATA & HEMANT KUMAR

Lata:
nain so nain naahi milaao \- 2
dekhat soorat aavat laaj, saiyyaan

Hemant:
pyaar se pyaar aake sajaao \- 2
madhur milan gaavat aaj, guiyaan
nain so nain....................................

aa~~aa~~~aa~~~~aa~~
Lata:
khincho kamaan maaro jee baan
rrut hai javaan o mere praan

- ruk kyon gaye?

Hemant:
tunne chori kar li kamaan
kaise maaroon preet ka baan, guiyaan
nain so nain...........................
Lata:
rim-jhim gaaye jharanon ki dhaar
dil ko lubhaaye koyal pukaar

Hemant:
- nahin!

Lata:
- to phir?

Hemant:
jharanon ki dhaaron men teraa sangeet
gaaye koyal, teraa hi geet, guiyaan
nain so nain .........................


Lata:
neele gagan pe jhumenge aaj
baadal ka pyaar dekhenge aaj

Hemant:
baadal naiyyaa hai , bijali patawaar
ham-tum chal den duniyaa ke paar, guiyaan
nain so nain...

Audio


video


2. SINGER: LATA

aa
kaisii ye mohabbat
kaisii ye mohabbat kii sazaa -2
haay dii hai kisii ne kisii ne
kaisii ye mohabbat kii sazaa
duniyaa hii mere dil dil kii -2
luuTaa dil hai kisii ne kisii ne
haay dii hai kisii ne kisii ne

rah rah ke machalanaa kabhii ro ro ke tadapanaa
ho haalat ye merii aaj banaa dii hai kisii ne

kaisii ye mohabbat kii sazaa
haay dii hai kisii ne kisii ne
kaisii ye mohabbat kii sazaa
duniyaa hii mere dil dil kii -2
luuTaa dil hai kisii ne kisii ne
kaisii ye mohabbat kii sazaa
haay dii hai kisii ne kisii ne
kaisii ye mohabbat kii sazaa

aa dil phunkataa hai dam ghuTataa hai aahon ko ghumein chain
ho kuchh aisii Kushii aaj machaa dii hai kisii ne kisii ne

kaisii ye mohabbat kii sazaa
haay dii hai kisii ne kisii ne
kaisii ye mohabbat kii sazaa
duniyaa hii mere dil dil kii -2
luuTaa dil hai kisii ne kisii ne
kaisii ye mohabbat kii sazaa
haay dii hai kisii ne kisii ne
kaisii ye mohabbat kii sazaa

aa parawaanaa tarasataa hai jalane kaa nahiin saamaan
ho ik shamaa thii to wo bhii bujhaa dii hai kisii ne kisii ne
kaisii ye mohabbat kii sazaa
haay dii hai kisii ne kisii ne
kaisii ye mohabbat kii sazaa
duniyaa hii mere dil dil kii -2
luuTaa dil hai -2
luuTaa dil hai kisii ne kisii ne
kaisii ye mohabbat kii sazaa
haay dii hai kisii ne kisii ne
kaisii ye mohabbat kii sazaa


Audio


3. SINGER: LATA


mere aye dil bataa, pyaar toone kiyaa
paayee maine sajaa, kyaa karu, kyaa karu

too khushee ke samandar se khelaa kiyaa
kis maje se muze toone dhokhaa diyaa
tuz ko motee mile, muz ko aansoo mile
kyaa karu, kyaa karu

too to paagal rahaa, pyaar ke raag me
toone daalaa muze dard kee aag me
teree kismat khulee, meree duniyaan jalee
kyaa karu, kyaa karu


Audio



4. SINGER: LATA


o suno, suno, suno, suno, suno jii
aa
o suno, suno, suno, suno re rasiyaa
ho man basiyaa
kuchh kuchh tumase bole ankhiyaan
o kuchh kuchh tumase bole ankhiyaan

dekh dekh tohe aashaa naache
chhak chhum chhum chhum -2
chhak chhum chhum
jhuum jhuum man biinaa baaje
tara tum tum tum -3
tara tum tum
katatii nahin ratiyaa ho rasiyaa katatii nahin ratiyaa

kuchh kuchh tumase bole ankhiyaan
ho suno, suno, suno, suno jii more rasiyaa
ho man basiyaa
kuchh kuchh tumase bole ankhiyaan

khol khol re man ke kiwadiyaa
mere bain mere nain mere bain more shyaam
haath jod ke aaii gujariyaa
mere tan mere man meraa dhan meraa pran
binatii karuun chhaliyaa ho rasiyaa binatii karuun chhaliyaa
kuchh kuchh tumase bole ankhiyaan

jhuut muuth kii raar ko chhodo
mere raaj mere pyaar mere taaj mere haar
prem pyaar ki dor na todo
mere mor mere chor more or mere shor -2
jaan gaii batiyaan ho rasiyaa jaan gaii batiyaan
kuchh kuchh tumase bole ankhiyaan
ho suno, suno, suno, suno re rasiyaa
ho man basiyaa
kuchh kuchh tumase bole ankhiyaan

suno, suno, suno, suno re rasiyaa
ho man basiyaa
kuchh kuchh tumase bole ankhiyaan
o kuchh kuchh tumase bole ankhiyaan


Audio




5. SINGER: LATA & MANNA DEY


muralii manohar krishn kanhaiyaa
jamunaa ke tat pe viraaje hain

muralii manohar krishn kanhaiyaa
jamunaa ke tat pe viraaje hain

mor mukut par kaanon mein kundal
kar mein muraliyaa muraliyaa muraliyaa saaje hai

itane mein dii dikhaaii raadhaa
raadhaa raadhaa raadhaa

panaghat par se aay rahii

kataraay rahii
sharamaay rahii
musakaay rahii balakhaay rahii

idhar banshii mein lahar sii uthii
krishn ke mukh par sajane lagii

par aap hii aap se bajane lagii bajane lagii bajane lagii

lambaa saa ghuunghat kaadh liyaa
banshii ke suron par jhuum gaii
har sarat dagariyaa moh lii
mohan kii or hii dumakit dumakit dumakit dhuum gaii

phir krishn kanhaiyaa natakhat ne
raadhaa kii kalaiyaa thaam laii
raadhaa ne pukaaraa
raadhaa ne pukaaraa
haay daii koii aao sakhii koii aao sakhii
phir haath chhudaa kar bolii hato
phir haath chhudaa kar bolii hato
ab jaavo dagariyaa chhod morii
kahaa krishn ne chup rah
varanaa duungaa gagariyaa phod torii

raadhaa tab usakii shokii par kuchh bigadii bhii
musakaaii bhii
phir krishn se puuchhaa
kaun ho tum kyaa naam hai jii
kyaa kaam hai jii kyaa kaam hai jii

o
hamein gop guaalaa kahate hain -2
aur krishn diyaa hai naam hamein naam hamein
koii natawar giradhar kahataa hai -2
aur koii kahe ghanashyaam hamein

ghanashyaam nahiin tum kaale ho -2
tum natakhat ho matawaale ho matawaale ho
chitachor ho maakhan chor nahiin -2
sukh chain churaane waale ho
ghanashyaam nahiin

raadhaa ne unako haath diyaa
aur krishn ne unakaa saath diyaa
kuchh baat huii kuchh ghaat huii
itane mein suuraj duub gayaa -2
raadhaa kii paayal jaag uthii
donon mein kalaa kii raag uthii

ab rain ko diip sanwaare the
aur niil gagan pe taare the
rain ko diip sanwaare the
aur niil gagan pe taare the
raadhaa ko vidaa ke ishaare
raadhaa ko vidaa ke ishaare the
raadhaa ne aanchal baandh liyaa
muralii ko sambhaalaa maadhav ne


Audio


6. LYRICS: MEERA BAI SINGER: LATA

Jo tum todo piyaa, main naahin todun re
todee preet tori KRISHNA, kaun sang jodoon re

tum bhaye taruvar, main bhaye patiyaa
tum bhaye sarovar, main bhaye machhiyaa
tum bhaye giravar, main bhaye chaaraa
tum bhaye chandaa, main bhaye chakori
jo tum todo piyaa.............................

tum bhaye moti prabhuji, ham bhaye dhaagaa
tum bhaye sonaa, ham bhaye suhaagaa
daasi "meera" ke prabhuji, brij ke vaasi
suno he gopaal
tum mere Thaakur, main tori daasi
jo tum todo piyaa...


Audio

video


7. SINGER: USTAD AMIR KHAN
"Jhanak Jhanak Payal Baje..."

video