FILM: PYAASA [ 1957] GURU DUTT
CAST: GURU DUTT, MEHAMOOD, RAJENDRA,REHMAN,SHYAM, WAHEEDA TEHMAN, MALA SINHA, KUMKUM,
ASHITA, TUNTUN
LYRCS: SAHIR LUDHIANAVI
MUSIC: S.D. BURMAN
1. SINGER: HEMANT KUMAR
Jaane Woh Kaise Log The Jinke Pyar Ko Pyar Mila
Humne To Jab Kaliyaan Maangi Kaaton Ka Haar Mila
Bichhad Gayaa Har Saathi Dekar Pal Do Pal Ka Saath
Kisko Phursat Hai Jo Thaame Deewane Ka Haath
Humko Apna Saaya Tak Aqsar Bezaar Mila
Humne To Jab...
Isko Hi Jeena Kehte Hain To Yunhi Ji Lenge
Uf Na Karenge Lab See Lenge Aansoo Pee Lenge
Gham Se Ab Ghabraana Kaisa Gham Sau Baar Mila
Humne To Jab...
Audio
VIDEO
2. SINGER: GEETA DUTT
jaane kya tune kahi
Jaane kya maine suni
Baat kuchh ban hi gayi
Jaane kya tune kahi ...
Sansanaahat si huwi
Thartharaahat si hui
Jaag uthhe khwaab kayi
Baat kuchh ban hi gayi
Jaane kya tune kahi ...
Nain jhuk jhuk ke uthhe
Paau ruk ruk ke uthhe
Aa gayi jaan nayi
Baat kuchh ban hi gayi
Jaane kya tune kahi ...
Zulf shaane pe mude
Ek khushb si ude
Khul gaye raaz kayi
Baat kuchh ban hi gayi
Jaane kya tune kahi ...
Audio
VIDEO
3. SINGER: MOHD. RAFI LYRICS: SHAKEEL BADAYUNI
sar jo tera chakaraaye, yaa dil dooba jaaye
aaja pyaare paas hamaare, kaahe ghabaraaye, kaahe ghabaraaye)-2
(tel mera hai muski, ganj rahe na khushki
jis ke sar par haath phira doon, chamake kismat us ki ) - 2
(sun sun sun, are beta sun, is champi mein bade-bade gun)-2
laakh dukhon ki ek davaa hai, kyun na aajamaaye
kahe ghabaraaye, kahe ghabaraaye
sar jo teraa ...
(pyaar ka hove jhagada, ya bizines ka ho ragada
sab lafadon ka bojh hate, jab pade haath ik tagada ) - 2
(sun sun sun, are baabu sun, is champi mein bade-bade gun)-2
laakh dukhon ki ek dava hai, kyun na aajamaaye
kahe ghabaraaye, kahe ghabaraaye
sar jo teraa ...
(naukar ho yaa maalik, leedar ho ya pabalik
apane aage sabhi jhuken hain, kya raaja kya sainik ) - 2
(sun sun sun, are raaja sun, is champi mein bade-bade gun)-2
laakh dukhon ki ek davaa hai, kyun na aajamaaye
kahe ghabaraaye, kahe ghabaraaye
sar jo teraa ...
Audio
VIDEO
4. SINGERS: MOHD. RAFI & GEETA DUTT
rafi:
ham aap ki aankhon mein, is dil ko basa den to
geeta:
ham mund ke palakon ko,is dil ko sazaa den to
rafi:
ham aap ki aankhon mein,is dil ko basa den to
geeta:
ham mund ke palakon ko,is dil ko sazaa den to
rafi:
ham aap ki aankhon mein,is dil ko basaa den to
rafi:
(in zulfon mein gundhenge, ham phool muhabbat ke
geeta:
zulfon ko jhatak kar ham, ye phool giraa den to) - 2
rafi:
ham aap ki aankhon mein,is dil ko basaa den to
rafii:
(ham aap ko khvaabon mein, laa laa ke sataayenge
geeta:
ham aap ki aankhon se, neenden hi udaaden to) - 2
rafi:
ham aap ki aankhon mein,is dil ko basaa den to
rafi:
(ham aap ke kadamon par, gir jaayenge gash kha kar
geeta:
is par bhi na ham apane, aanchal ki hava den to) - 2
rafi:
ham aap ki aankhon mein,is dil ko basaa den to
geeta:
ham mund ke palakon ko,is dil ko sazaa den to
rafi:
ham aap ki aankhon mein,is dil ko basaa den to
Audio
VIDEO
5. SINGER: GEETA DUTT
sakhi ri biraha ke dukhade, seh seh kar, jab raadhe besudh ho li
to ik din apane manamohan se, jaa kar yun boli]
(aaj sajan mohe ang lagaalo
janam safal ho jaaye)-2
hRiday ki peeda,
deh ki agni
sab shital ho jaaye
aaj sajan mohe ang lagaalo
janam safal ho jaaye
(kai jug se hain jaage
more nain abhaage) 2
kahin jiyaa nahin laage bin tore
(sukh dekhe nahin aage)-2
dukh pichhe pichhe bhaage
jag suna suna laage bin tore
prem sudha, more saanvariya, saanvariya
prem sudha, itani barasa do, jag jal thal ho jaaye
aaj sajan mohe ang lagaalo
janam safal ho jaaye
mohe apana bana lo
(mohe apana bana lo, meri baanh pakad
main hoon janam janam ki daasi)-2
meri pyaas bujha do manahar giridhar,
pyaas bujha do
main hoon antarghat tak pyaasi
prem sudha ... more saanvariya
prem sudha itani barasa do jag jal thal ho jaaye
aaj sajan ...
karun laakh jatan more man ki tapan
more tan ki jalan nahin jaaye
kaisi laagi ye lagan, kaisi jaagi ye agan
jiya dheer dharan nahin paaye
prem sudha ... more saanvariya
prem sudha itani barasa do, jag jal thal ho jaaye
aaj sajan ...
Audio
VIDEO
6. SINGER: MOHD. RAFI
Yeh Mehlon, Yeh Takhton, Yeh Taajon Ki Duniya,
Yeh Insaan Ke Dushman Samaajon Ki Duniya,
Yeh Daulat Ke Bhookhey Rawajon Ki Duniya,
Yeh Duniya Agar Mil Bhi Jaye To Kya Hai.[2]
Har Ek Jism Ghayal, Har Ek Rooh Pyaasi,
Nigahon Mein Uljhan, Dilon Mein Udaasi,
Yeh Duniya Hai Ya Aalam-e-Badhawasi,
Yeh Duniya Agar Mil Bhi Jaye To Kya Hai[2].
Yahaan Ek Khilona Hai Insaan Ki Hasti,
Yeh Basti Hai Murda Paraston Ki Basti,
Yahaan Par To Jeevan Se Hai Maut Sasti,
Yeh Duniya Agar Mil Bhi Jaye To Kya Hai.[2]
Jawaani Bhatakti Hai Badakaar Ban Kar,
Jawaan Jism Sajtey Hain Bazaar Ban Kar,
Yahaan Pyaar Hota Hai Byopaar Ban Kar,
Yeh Duniya Agar Mil Bhi Jaye To Kya Hai.
Yeh Duniya Jahaan Aadmi Kuch Nahi Hai,
Wafa Kuch Nahi, Dosti Kuch Nahi Hai,
Yahaan Pyaar Ki Qadr Hi Kuch Nahi Hai,
Yeh Duniya Agar Mil Bhi Jaye To Kya Hai.
Jala Do Isey, Phoonk Dalo Yeh Duniya.
Mere Saamne Se Hata Lo Yeh Duniya,
Tumhari Hai Tum Hi Sambhalo Yeh Duniya,
Yeh Duniya Agar Mil Bhi Jaye To Kya Hai?
Audio
VIDEO
7. SINGER: MOHD. RAFI
"Yeh Hanste Huye Phool ....[Verse]
Audio
8. SINGER: MOHD. RAFI
"Gham E Is Kadar Bade ... [ VERSE]
Audio
9. SINGER: MOHD. RAFI
" Tang Aa Chuke Hai.... (Verse)
Audio
VIDEO
10. SINGER: MOHD. RAFI
" Jinhen Naaz Hai Hind Par.....
Audio
VIDEO
11. "Ruudaad E Gam E Ulfat Unase Ham Kyaa Kahate Kyuun Kar Kahate"
As per Sudhir, Majaz Lucknavi himself recited it on-screen.
rudaad-e-Gam-e-ulfat unase
ham kyaa kahate kyun kar kahate
ek harf na nikalaa hotho se
aur aankh me aansu aa bhi gaye
chorus : waah waah
us mahafil-e-kaif-o-masti me
us ajuman-e-irafaani me
sab jaam-ba-qaf baithe hi rahe
ham pi bhi gaye chhalakaa bhi gaye
chorus : waah waah
sab jaam-ba-kaf baithe hi rahe
chorus : subahaan-alaah
waah waah
ham pi bhi gaye chhalakaa bhi gaye
chorus : waah waah
bahut khub
waah waah
marahabaa marahabaa
subahaan-alaah
12. "kaam aakhir jazbaa-e-be_ikhtiyaar'
kaam aakhir jazbaa-e-be_ikhtiyaar
aa hi gayaa
dil kuchh is surat se tadapaa
unako pyaar aa hi gayaa
