FILM: DHOOL KA PHOOL [1959] YASH CHOPRA
CAST: Ashok Kumar, Mala Sinha, Rajendra Kumar, Nanda, Daisy Irani
LYRICS: ZAHIR LUDHIANAVI
MUSIC: N. DUTTA
1. SINGERSl Mahendra Kappoor & Sudha Malhotra Chorus
"
APNI KHATIR JEENA HAI.....
Audio
video
2. SINGERS: LATA & MAHENDRA KAPOOR
MK:
tere pyaar ka aasara chaahata hun
vafa kar raha hun, vafa chaahata hun
AB:
hasino se ahad-e-vafa chaahate ho
bade naasamajh ho, ye kya chaahate ho
MK:
tere narm baalon men taare saja ke
tere shokh qadamon men kaliyaan bichha ke
mohabbat ka chhota sa mandir bana ke
tujhe raat din,
tujhe raat-din poojana chaahata hun,
vafa kar raha hun, vafa chaahata hun....
AB:
zara soch lo dil lagaane se pahale
ki khona bhi padataa hai paane ke pahale
ijaazat to le lo zamaane se pahale
ki tum husn ko poojana chaahate ho,
bade naasamajh ho, ye kya chaahate ho ....
MK:
kahaan tak jiyen teri ulfat ke maare
guzarati nahin zindagi bin sahaare
bahut ho chuke dur rah kar ishaare
tujhe paas se
tujhe paas se, dekhana chaahata hun,
vafa kar raha hun, vafa chaahata hun....
AB:
mohabbat ki dushman hai saari khudaai
mohabbat ki taqadiir men hai judaai
jo sunate nahin hain dilon ki duhaai
un hi se mujhe,
un hi se mujhe, maangana chaahate ho,
bade naasamajh ho, ye kya chaahate ho........
MK:
dupatte ke kone ko munh men daba ke
zara dekh lo is taraf muskura ke
mujhe loot lo mere nazadik aa ke
ki main maut se,
ki main mout se khelana chaahata hun,
vafa kar raha hun, vafa chaahata hun....
AB:
galat saare daaven, galat saari qasamen
nibhengi yahaan kaise ulfat ki rasmen
yahaan zindagi hai rivaajon ke bas men
rivaajon ko tum,
rivaajon ko tum todana chaahate ho,
bade naasamajh ho, ye kya chaahate ho..............
MK:
rivaajon ki paravaah na rasmon ka dar hai
teri aankh ke faisale pe nazar hai
bala se agar raasta purkhatar hai
main is haath ko,
main is haath ko thaamana chaahata hun,
vafa kar raha hun, vafa chaahata hun...
Audio
video
3. SINGER: MAHENDRA KAPOOR & ASHA BHOSLE
AB: dhadakane lage dil ke taaron ki duniya
MK: jo tum muskura do
AB: jo tum muskura do
MK: sanvar jaae ham bekaraaron ki duniya
jo tum muskura do
AB: jo tum muskura do
MK: jo tum muskura do, bahaaren hansen
sitaaron ki ujali kataaren hansen
AB: jo tum muskura do, nazaare hansen
( javaan dhadakanon ke ishaare hansen) \- 2
dhadakane lage...........
MK: havaa men ke khushabu ki angadaaiyaan
ye aankhon pe zulfon ki parachhaaiyaan
AB: ye masti ke dhaare ubalate hue
(ye seenon men toofaan machalate hue) \- 2
dhadakane lage..........
MK: ye bojhal ghataaen barasati hui
ye bechain ruhen tarasati hui
AB: ye saanson se shole nikalate hue
badan aanch khaakar pighalate hue \- 2
dhadakane lage................
Audio
video
4. SINGER: MOHD. RAFI
(tu hindu banega na musalamaan banega
insaan ki aulaad hai, insaan banega)\-2
(achchha hai abhi tak tera kuchh naam nahin hai
tujh ko kisi mazhab se koi kaam nahin hain)\-2
jis ilm ne insaan ko taqaseem kiya hai
us ilm ka tujh par koi ilzaam nahin hai
tu badale hue waqt ki pahechaan banega
insaan ki aulaad hai, insaan banega
tu hindu banega na musalamaan banega
insaan ki aulaad hai, insaan banega
(maalik ne har insaan ko, insaan banaaya
ham ne use hindu ya musalamaan banaaya)\-2
qudarat ne bakshi thi hamen ek hi dharati
ham ne kahin bhaarat, kahin iraan banaaya
jo tod de har band, wo toofaan banega
insaan ki aulaad hai, insaan banega
tu hindu banega na musalamaan banega
insaan ki aulaad hai, insaan banega
(nafarat jo sikhaaye, wo dharam tera nahin hai
insaaf jo ronde,wo qadam tera nahin hai)\-2
qura'an na ho jisame wo mandeer nahin tera
geeta na ho jisame wo haram tera nahin hai
tu amn ka aur sulah ka aramaan banega
insaan ki aulaad hai, insaan banega
tu hindu banega na musalamaan banega
insaan ki aulaad hai, insaan banega
ye deen ke tajar,ye watan bechane waale
watan bechane waale
ye deen ke tajar ,ye watan bechane waale
insaan ki laashon ke qafan bechane waale
qafan bechane waale
insaan ki laashon ke qafan bechane waale
ye mahel men baithe hue qaatil ye looteren
(kaanton se madh rooh-e-chaman bechane waale)\-2
tu un ke liye mout ka elaan banega
insaan ki aulaad hai, insaan banega
tu hindu banega na musalamaan banega
insaan ki aulaad hai, insaan banega
Audio
video
5. SINGER: ASHA BHOSLE & MAHENDRA KAPOOR
jhukati ghata gaati hava sapane jagaae
nanha sa dil mera machal-machal jaae
mahake hue, dahake hue, mast nazaare
nikhare hue, bikhare hue, rang ke dhaare
aaj pavan ho ke magan ham ko bulaae,
jhukati ghata gaati hava...........
ravaana hai chhoti si kashti havaaon ke rukh par
nadi ke saaz pe mallaah geet gaata hai
tumhaara jism har ik lahar ke jhakole se
o meri sharir nigaahon men jhul jaata hai
jism mera jaan bhi meri tere liye hai
pyaar bhari duniya saji tere liye hai
aankhon men chhaae tere jalavon ke saae,
jhukati ghata gaati hava...........
Audio
video
6. SINGER: MOHD. RAFI
[vafa ke naam pe, kitane gunaah hote hain
ye un se puchhe koi, jo tabaah hote hain]
haay..ho~~~o~~
(daaman men daag laga baithe)\-2
ham pyaar men dhokha kha baithe
haay re, haay re
(chhoti si bhul javaani ki)\-2
jo tum ko yaad na aayegi
us bhul ke taane de-de kar
duniya ham ko tadapaayegi
(uthate hi nazar jhuk jaayegi)\-2
ho~~ho~~ho..
uthate hi nazar jhuk jaayegi
aaj aisi thokar kha baithe
ham pyaar men.......
(chaahat ke liye jo rasmon ko)\-2
thukara ke guzarane vaale the
jo saath hi jine vaale the
aur saath hi marane vaale the
(toofaan ke havaale kar ke hamen)\-2
ho~~ho~~ho..
toofaan ke havaale kar ke hamen
khud dur kinaare ja baithe
ham pyaar men.............
(lo aaj meri majabur vafa)\-2
badanaam kahaani banane lagi
lo prem nishaani paai thi
vo paap nishaani banane lagi
(dukh de ke hamen jivan bhar ka)\-2
ho~~ho~~ho..
dukh de ke hamen jivan bhar ka
vo sukh ki sej saja baithe
ham pyaar men ...........
Audio
video
7. SINGER: LATA
(tu mere pyaar ka phul hai, ke meri bhul hai
kuchh kah nahin sakati
par kisi ka kiya, tu bhare
ye sah nahin sakati) \- 2
(meri badanaami tere saath palegi, saath palegi
sun sun taane meri kokh jalegi, haay, kokh jalegi) \- 2
kaanton bhare hain sab raaste, tere vaaste
jivan ki dagar men
kaun banega tera aasara, bedard nagar men
tu mere pyaar ka phul hai, ke meri bhul hai
kuchh kah nahin sakati
par kisi ka kiya tu bhare
ye sah nahin sakati
(puchhega koi to, kise baap kahega, baap kahega
jag tujhe phenka hua paap kahega, haaye, paap kahega) \- 2
ban ke rahegi sharmindagi, teri zindagi
jab tak tu jiyega
aaj pilaaun tujhe dudh main, kal zahar piyega
tu mere pyaar ka phul hai, ke meri bhul hai
kuchh kah nahin sakati
par kisi ka kiya, tu bhare
ye sah nahin sakati
Audio
video
video
8. SINGER: SUDHA MALHOTHRA
kaase kahun man ki baat
haan kaase kahun man ki baat
bairi balamawa dukhiya kar gaye sukh ko le gaye saath
kaase kahun man ki baat
haan kaase kahun man ki baat
har aahat pe aankh lagaaye \-2
aa
( har aahat pe aankh lagaaye
baithi rahi main sej sajaaye ) \-2
bedardi ne rain bitaayi sautaniya ke saath
kaase kahun man ki baat
haan kaase kahun man ki baat
preet bhi jhuthi, mit bhi jhuthe \-2
aa
( preet bhi jhuthi, mit bhi jhuthe
thes lagi aur sapane toote ) \-2
nainan jal men doob ke rah gai, madhur milan ki raat
kaase kahun man ki baat
haan kaase kahun man ki baat
bairi balamawa dukhiya kar gaye sukh ko le gaye saath
kaase kahun man ki baat \-3
Audio
BONUS: CHOUDAVI KA CHAAND HO... MOHD. RAFI
video
TAJ MAHAL: JO WADA KIYA HO NIBANA PADEGA
video
No comments:
Post a Comment